ଶୋଭନୀୟ ଶିକ୍ଷାଶ୍ରମରେ ବିଜୁ ଯୁବବାହିନୀ ପକ୍ଷରୁ ବୃକ୍ଷ ରୋପଣ

ଭୁବନେଶ୍ୱର, (ଆଇଏନ୍ଏସ୍): ନୀଳାଦ୍ରିବିହାର ସ୍ଥିତ ଶୋଭନୀୟ ଶିକ୍ଷାଶ୍ରମ ଠାରେ ବିଜୁ ଯୁବବାହିନୀ ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥିଭାବେ ଯୋଗଦେଇ ଭୁବନେଶ୍ୱର ଉତ୍ତର ବିଧାୟକ ସୁଶାନ୍ତ ରାଉତ କହିଥିଲେ ସମସ୍ତେ ଗୋଟିଏ ଗୋଟିଏ ଗଛ ଲଗାଇବା ସହିତ ତାକୁ ବଡ କରିବା ପାଇଁ ପୂର୍ଣ୍ଣ ପ୍ରାଣ ସହିତ ଲାଗିବା ଦରକାର । ଶୋଭନୀୟ ଆନେ୍ଦାଳନ ମୁଖ୍ୟ ଆବାହିକା ଅରୁନ୍ଧତୀ ଦେବୀଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଅନ୍ୟ ଅତିଥିମାନଙ୍କ ମଧ୍ୟରେ ପୂର୍ବତନ କର୍ପୋରେଟର ସୌଭାଗ୍ୟ ବାରିକ୍, ଦେବୀ ପ୍ରସାଦ ମଲ୍ଲିକ୍ ବିଜୁ ଯୁବବାହିନୀର ସଭାପତି ଅଂଶୁମାନ ଦାସ, ସଂଯୋଜିକା ଭାଗ୍ୟଶ୍ରୀ ନାୟକ, ରାଜଲକ୍ଷ୍ମୀ ପାତ୍ର ପ୍ରମୁଖ ଯୋଗଦେଇ ସମସ୍ତଙ୍କୁ ଗଛ ଲଗାଇବା ପାଇଁ ଆହ୍ୱାନ କରିଥିଲେ । ସଭାର ପ୍ରାରମ୍ଭରେ ୧୪ ନମ୍ବର ୱାର୍ଡର ପୂର୍ବତନ କର୍ପୋରେଟରଙ୍କର ମାତା ସ୍ୱର୍ଗତ ଉଷାରାଣୀ ମଲ୍ଲିକ୍ଙ୍କ ଅମର ଆତ୍ମାର ସଦ୍ଗତି କାମନା କରି ଦୁଇ ମିନିଟ୍ ନିରବ ପ୍ରାର୍ଥନା କରାଯାଇଥିଲା । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଶୋଭନୀୟ ଶିକ୍ଷାଶ୍ରମର ଆଜୀବନ ସଭ୍ୟା ବରଦା ମହାନ୍ତି, ପ୍ରଧାନ ଶିକ୍ଷୟୀତ୍ରୀ ମମତା ପ୍ରଧାନ ପ୍ରମୁଖ ସହଯୋଗ କରିଥିବା ବେଳେ ବିଜୁ ଯୁବବାହିନୀର ନବ ନିର୍ବାଚିତ ସଂପାଦକ ସ୍ମୃତି ରଞ୍ଜନ ରାଉତ, କୋଷାଧ୍ୟକ୍ଷ ସରୋଜ କୁମାର ବେହେରା, କାର୍ଯ୍ୟକାରୀ ସଦସ୍ୟ ଶୋଭାଶିସ୍ ରାଉତ, ବିଭେସ୍ ନାୟକ ପ୍ରମୁଖ ପରିଚାଳନା କରିଥିଲେ ।