ପ୍ରେମାଚାର୍ଯ୍ୟ ବାବା ମଧୁସୂଦନଙ୍କ ଶ୍ରୀବିଗ୍ରହ ବାଲି ସାହି ଗ୍ରାମରେ ପହଂଚିଲା

ନାଉଗାଁ, (ଆଇଏନ୍ଏସ୍): ନାଉଗାଁ ଥାନା ଅନ୍ତର୍ଗତ ବାଲିସାହି ଦାସସାହିକୁ ସର୍ବଧର୍ମ ସମନ୍ୱୟ ମତବାଦର ପ୍ରତିଷ୍ଠାତା ତଥା ସର୍ବଧମପୀଠ ପ୍ରାଚୀ ଗୁରୁଧର୍ମ କ୍ଷେତ୍ରର ପ୍ରତିଷ୍ଠାତା ପ୍ରେମାଚାର୍ଯ୍ୟ ବାାବ ମଧୁସୂଦନଙ୍କ ଶ୍ରୀ ବିଗ୍ରହ ଓ ପାଦୁକା ମହାମନ୍ତ୍ର ଓଁ କୃଷ୍ଣ ମଧୁସୂଦନ ବାସୁଦେବ ଜନାର୍ଦ୍ଦନ ନାମ କୀର୍ତନରେ ଶହ ଶହ ଭକ୍ତଙ୍କ ଗହଣରେ ସ୍ୱର୍ଗତ ଶାନ୍ତିସୁଧା ଦାସଙ୍କ ଚତୁର୍ଦ୍ଦଶ ଦିବସରେ ପହଂଚିଥିଲା । ସ୍ୱର୍ଗତା ଦାସ ପ୍ରେମାଚାର୍ଯ୍ୟ ବାବା ମଧୁସୂଦନଙ୍କ ଶିଷ୍ୟା ଥିଲେ । ଏହି ଉତ୍ସବ ଉପଲକ୍ଷେ ମୁଖ୍ୟ ଆଶ୍ରମର ଅଧ୍ୟକ୍ଷ ବାବାଜୀ ଦାମୋଦର ଦାସଙ୍କ ତତ୍ୱାବଧାନରେ ଗୁରୁପୂଜା ଆୟୋଜନ କରାଯାଇଥିଲା । ଷୋଡଶ ଉପଚାରର ପୂଜାର୍ଚ୍ଚନା, ମା’ମାନଙ୍କ ଦ୍ୱାରା ବନ୍ଦାପନା ଇତ୍ୟାଦି ପରେ ଏକ ସ୍ୱତନ୍ତ୍ର ଧର୍ମସଭା ଅନୁଷ୍ଠିତ ହୋଇଥିଲା । ଏଥିରେ ଜଗନ୍ନାଥ ସଂସ୍କୃତିର ପ୍ରବଚକ ବାବାଜୀ ଦିବାକର ଦାସ, ବାବାଜୀ ନେତ୍ରାନନ୍ଦ ଦାସ, ବାବାଜୀ ପୂର୍ଣ୍ଣାନନ୍ଦ ଦାସ, ପୂର୍ବତନ ସାଂସଦ ଡ. ପ୍ରସନ୍ନ କୁମାର ପାଟ୍ଟଶାଣୀ, ବରିଷ୍ଠ ସାମ୍ବାଦିକ କୃଷ୍ଣପ୍ରସାଦ ଦାସ ଓ ଜ୍ଞାନରଞ୍ଜନ ସାମନ୍ତରାୟ, ପୂର୍ବତନ ବିଧାୟକ ଜ୍ୟୋତିସ ଚନ୍ଦ୍ର ଦାସ, ବ୍ଲକ ଚେୟାରମ୍ୟାନ ଜଗନ୍ନାଥ ଦାସ ପ୍ରମୁଖ ଯୋଗଦେଇଥିଲେ । ସୁଶ୍ରୀ ଶକୁନ୍ତଳା ଦାଶ, ସେବିକା ସବିତା ଦାସ ପ୍ରମୁଖ ଭଜନ ଗାନ କରିଥିଲେ । ଉକ୍ତ କାର୍ଯ୍ୟକ୍ରମକୁ ଭୁବନ କୁମାର ଦାସ, ସ୍ମୃତିରଂଜନ ଦାସ, ପ୍ରୀତିରଂଜନ ଦାସ, ବୁଲାକି ସେଠୀ ଓ ସଦାଶିବ ସାହୁ ପରିଚାଳନା କରିଥିଲେ ।