ବିଶିଷ୍ଟ ବ୍ୟବସାୟୀ ଗଜେନ୍ଦ୍ର ପରିଡାଙ୍କ ଦେହାନ୍ତ

ପାରାଦ୍ୱୀପ, (ଆଇଏନ୍ଏସ୍): ପାରାଦ୍ୱୀପ ମତ୍ସ୍ୟ ଉତ୍ପାଦକ ସଙ୍ଘର ବରିଷ୍ଠ ସଦସ୍ୟ ତଥା ପାରାଦ୍ୱୀପ ଅଂଚଳର ପ୍ରତିଷ୍ଠିତ ବ୍ୟବସାୟୀ ଗଜେନ୍ଦ୍ର ପରିଡା ଙ୍କର ସୋମବାର ବଳିମ୍ବିତ ରାତିରେ ପରଲୋକ ହୋଇଯାଇଛି । ଶ୍ରୀ ପରିଡା ପାରାଦ୍ୱୀପ ମତ୍ସ୍ୟ ଉତ୍ପାଦକ ସଂଘ ର ପ୍ରତିଷ୍ଠାରେ ବଳିଷ୍ଟ ସହଯୋଗ ଥିଲା । କୁଜଙ୍ଗ ତଥା ପାରାଦ୍ୱୀପ ଅଂଚଳର ଜଣେ ବରିଷ୍ଟ ନାଗରିକ ଥିଲେ । ପାରାଦ୍ୱୀପ ରେ ଦୀର୍ଘ ବର୍ଷ ହେବ ଶ୍ରୀ ପରିଡା ମତ୍ସ୍ୟ ବ୍ୟବସାୟ ସହ ଜଡିତ ଥିଲେ । ତାଙ୍କର ଜ୍ୟେଷ୍ଠପୁତ୍ର ଜ୍ୟୋତିକାନ୍ତ ପରିଡା ବ୍ୟବସାୟ କରୁଥିବା ବେଳେ କନିଷ୍ଠ ପୁତ୍ର ମହେନ୍ଦ୍ର ପରିଡା ସାମ୍ବାଦିକତା ସହ ଜଗତସିଂହପୁର ସାଂସଦ ଡା.ରାଜଶ୍ରୀ ମଲିକ ଙ୍କ ପାରାଦ୍ୱୀପ ପ୍ରତିନିଧି ଭାବେ କାର୍ଯ୍ୟ କରୁଛନ୍ତି । ତାଙ୍କ ମୃତୁ୍ୟରେ ପାରାଦ୍ୱୀପ ଅଂଚଳରେ ଶୋକର ଛାୟା ଖେଳିଯାଇଛି । ଶ୍ରୀ ପରିଡାଙ୍କ ନିଜସ୍ୱ ଘର କୁଜଙ୍ଗ ଥାନା ଅନ୍ତର୍ଗତ କୋଠିଆ ସାହି ଗ୍ରାମରେ ।