ଆଜି ବିଜେପିରେ ମିଶିବେ ବିଜୟ?
ଭୁବନେଶ୍ୱର, (ଓଏନ୍ଏସ୍): ବିଜୟ ମହାପାତ୍ର ଆଜି ପୁଣି ବିଜେପିରେ ମିଶୁଥିବା ଜଣାପଡିଛି । ବିଜୟ ତାଙ୍କ ସହିତ ଦିଲ୍ଲୀପ ରାୟଙ୍କୁ ମଧ୍ୟ ବିଜେପିକୁ ଟାଣି ପାରନ୍ତି । କନ୍ଧମାଳ ଏମପି ପ୍ରତ୍ୟୁଷା ରାଜେଶ୍ୱରୀଙ୍କୁ ବିଜେପିକୁ ଟାଣିନେବାରେ ସଫଳ ହେବା ପରେ ବିଜୟ ଓ ଦିଲ୍ଲୀପ ଙ୍କୁ ବିଜେପିକୁ ଫେରାଇ ଆଣିବା ଅଭିଯାନ ଆରମ୍ଭ ହୋଇଛି । କିଛିଦିନ ତଳେ ବିଜୟ ଓ ଦିଲ୍ଲୀପ ଏକା ଦିନେ ବିଜେପି ବିରୁଦ୍ଧରେ ବିଦ୍ରୋହ ଘୋଷଣା କରି ଦଳରୁ ଇସ୍ତଫା ଦେଇଥିଲେ ଏବଂ ସେମାନେ ସାଙ୍ଗ ହୋଇ ବିଜେଡିରେ ମିଶିବା ପାଇଁ ଉଦ୍ୟମ ଆରମ୍ଭ କରିଥିଲୋ । ମାତ୍ର ତାହା ସଫଳ ହୋଇନଥିଲା । ଏହି ପରିସ୍ଥିତିର ସୁଯୋଗ ନେଇ ବିଜେପିର ରାଷ୍ଟ୍ରୀୟ ଉପସଭାପତି ବୈଜୟନ୍ତ ପଣ୍ଡା ଓ ବିଜେପି ବିଧାୟକ ଦଳର ନେତା କେଭି ସିଂଦେଓ ବିଜୟଙ୍କୁ ଭେଟି ଏ ସମ୍ପର୍କରେ ଆଲୋଚନା କରିଥିବା ଜଣାପଡିଛି । ହୁଏତ ଆଜି ଏହି ମିଶ୍ରଶ ପର୍ବ ଅନୁଷ୍ଠିତ ହୋଇପାରେ ।