ଚିକିଟିରେ ଲକଡ଼ାଉନ୍ ର ପ୍ରଭାବ: ସବୁଠି ଖାଁ ଖାଁ!!
ଚିକିଟି, (ଓଏନ୍ଏସ୍) : ସମଗ୍ର ପୃଥିବୀର ପ୍ରାୟ ସମସ୍ତ ଦେଶରେ ମାରାତ୍ମକ କରୋନା ଭୂତାଣୁର ତାଣ୍ଡବ ଜାରି ରହିଛି । ଏଣୁ ଆମ ଦେଶକୁ ଏହି ମହାମାରୀରୁ ରକ୍ଷା କରିବାକୁ ସମଗ୍ର ଦେଶ ଲକଡ଼ାଉନ୍ (ତାଲା ବନ୍ଦି) ଅବସ୍ଥାରେ ରହିଛି । ଚାରିଆଡ଼େ ଶୂନଶାନ୍ । ସବୁଠି ଲକଡ଼ାଉନ୍ ର ବିକଳ ଅବସ୍ଥା! ଅହରହ ଚଳଚଂଚଳ ଥିବା ସାରା ଭାରତ ମଧ୍ୟ ଏବେ ଶୂନଶାନ୍ ହୋଇ ଯାଇଛି । ଗଞ୍ଜାମ ଜିଲ୍ଲା ଚିକିଟିରେ ମଧ୍ୟ ଖାଁ ଖାଁ ଅବସ୍ଥା ଦେଖାଦେଇଛି । ସାରା ଚିକିଟି ବଜାର ମଣିଷ ଶୂନ୍ୟ ହୋଇଯାଇଛି । କେବଳ ଔଷଧ ଓ କ୍ଷୀର ଦୋକାନକୁ ଛାଡ଼ି ସମସ୍ତ ଦୋକାନକୁ ସନ୍ଧ୍ୟା ୬ଟା ପରେ ବନ୍ଦ କରିଦିଆଯାଇଛି । ସନ୍ଧ୍ୟାରେ ପୋଲିସ ବଜାରରେ ବୁଲି ବୁଲି ଖୋଲା ଥିବା ଦୋକାନ ସବୁ ବନ୍ଦ କରୁଛି । ଫଳରେ ସନ୍ଧ୍ୟା ଠାରୁ ରାସ୍ତଘାଟ ଶୂନଶାନ ହୋଇ ପଡ଼ୁଛି । କାଁ ଭାଁ କେଉଁଠି ଗୋଟେ ଅଧେ ଗାଡ଼ି କିମ୍ବା ଜଣେ ଦୁଇଜଣ ଲୋକଙ୍କୁ ଛାଡ଼ି ଦେଲେ ରାସ୍ତାରେ କାହାକୁ ଦେଖିବାକୁ ମିଳୁନାହିଁ ।