ପାରାଦୀପ ଶିଳ୍ପାଂଚଳ ବେକାର ଇଞ୍ଜିନିୟର ମାନଙ୍କ ତରଫରୁ ଏଡିଏମ୍ ଙ୍କୁ ଦାବିପତ୍ର
ପାରାଦୀପ, (ଓଏନ୍ଏସ୍): ପାରାଦୀପ ଶିଳ୍ପାଂଚଳରେ ଥିବା ସ୍ଥାନୀୟ ବେକାର ଇଞ୍ଜିନିୟର ମାନଙ୍କର ଏକ ବିରାଟ ଶୋଭାଯାତ୍ରା ଆଜି ଅନୁଷ୍ଠିତ କରାଯାଇଥିଲା । ପୂର୍ବ ନିର୍ଦ୍ଧାରିତ ଯୋଜନା ଅନୁଯାଇ ଆଜି ସେମାନେ ପ୍ଲା କାର୍ଡ ଧରି ନାରାବାଜି କରିବା ସହିତ ସରକାର ସ୍ଥାନୀୟ ବେକାର ଇଞ୍ଜିନିୟର ମାନଙ୍କୁ ନିଯୁକ୍ତି ପ୍ରଦାନ କରିବାରେ ଟାଳୁଟୋଳ ନୀତି ଅବଲମ୍ବନ କରିଛନ୍ତି । ଯାହା ଫଳରେ ଶହଶହ ଡିଗ୍ରୀ ଧାରୀ ଇଞ୍ଜିନିୟର ଆଜି ନିଯୁକ୍ତି ନପାଇ ବେକାର ହୋଇ ବସିଛନ୍ତି । ତେଣୁ ବିଜେପି ଯୁବ ନେତା ସଂପଦ ସ୍ୱାଇଁଙ୍କ ନେତୃତ୍ୱରେ ଆଜି ଶହଶହ ବେକାର ଇଞ୍ଜିନିୟର ଯୁବକ ଯୁବତି ନିଯୁକ୍ତି ଦାବୀରେ ସ୍ଥାନୀୟ ଏଡିଏମ୍ ଙ୍କୁ ଦାବିପତ୍ର ପ୍ରଦାନ କରିଛନ୍ତି ।