ବିଜେଡ଼ି ପକ୍ଷରୁ ସିନେ ଅଭିନେତା ଅନୁଭବଙ୍କ ପ୍ରାର୍ଥୀପତ୍ର ଦାଖଲ
କେନ୍ଦ୍ରାପଡ଼ା, (ଓଏନ୍ଏସ୍): ନାମାଙ୍କନ ପତ୍ର ଦାଖଲର ଶେଷ ଦିନରେ କେନ୍ଦ୍ରାପଡ଼ା ଲୋକସଭା ତଥା ବିଭିନ୍ନ ବିଧାନସଭା ଆସନ ପାଇଁ ମୋଟ ୨୫ ଜଣ ପ୍ରାର୍ଥୀ ସେମାନଙ୍କ ନାମାଙ୍କନ ପତ୍ର ଦାଖଲ କରିଛନ୍ତି । ସେମାନଙ୍କ ମଧ୍ୟରେ କେନ୍ଦ୍ରାପଡ଼ା ଲୋକସଭା ଆସନ ପାଇଁ ସିନେ ଅଭିନେତା ଅନୁଭବ ମହାନ୍ତି ବିଜେଡ଼ି ପକ୍ଷରୁ ନିଜର ନାମାଙ୍କନ ପତ୍ର ଦାଖଲ କରିଛନ୍ତି । ନାମାଙ୍କନ ପତ୍ର ଦାଖଲ ବେଳେ ତାଙ୍କ ସହିତ ବିଜେଡ଼ିର ଅନେକ ନେତା, କର୍ମୀ, ସମର୍ଥକ ଓ ତାଙ୍କର ପତ୍ନୀ ସିନେ ଅଭିନେତ୍ରୀ ବର୍ଷା ପି୍ରୟଦର୍ଶିନୀ ଉପସ୍ଥିତ ଥିଲେ । ଏଥି ସହିତ କେନ୍ଦ୍ରାପଡ଼ା ଲୋକସଭା ଆସନ ପାଇଁ ସ୍ୱାଧୀନ ପ୍ରାର୍ଥୀ ଭାବେ ସନ୍ତୋଷ କୁମାର ଦାସ, ରବୀନ୍ଦ୍ର ନାଥ ବେହେରା, ବିଶ୍ୱନାଥ ପ୍ରଧାନ ଓ ପ୍ରଦୀପ କୁମାର ଦାସ ନିଜ ନିଜର ନାମାଙ୍କନ ପତ୍ର ଦାଖଲ କରିଛନ୍ତି ।