ସରସ୍ୱତୀ ଶିଶୁ ବିଦ୍ୟା ମନ୍ଦିରର ବାର୍ଷିକ ଉତ୍ସବ
ପାରାଦୀପ, (ଓଏନ୍ଏସ୍): ପାରାଦୀପ ନିର୍ବାଚନ ମଣ୍ଡଳୀର ଧୋୟା ଅଂଚଳ ଭାବେ ଜଣା ସୁଣା ସିରସ୍ତା ଶିଶୁ ବିଦ୍ୟା ମନ୍ଦିରର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଭାବେ ପାରାଦୀପ ଇଫ୍କୋ ୟୁନିଟ୍ ର ସାଧାରଣ ପ୍ରବନ୍ଧକ(ମାନବ ସମ୍ବଳ) ଶ୍ରୀଯୁକ୍ତ ଜ୍ଞାନଚାନ୍ଦ ଆଚାର୍ଯ୍ୟ ଯୋଗଦାନ କରିଥିବା ବେଳେ, ମୁଖ୍ୟ ବକ୍ତା ଭାବେ ବରିଷ୍ଠ ପ୍ରଧ୍ୟାପକ ଶ୍ରୀଯୁକ୍ତ ନଳିନୀ କାନ୍ତ ମହାପାତ୍ର ଏବଂ ସମ୍ମାନୀତ ଅତିଥି ଭାବେ ଆଇଓସିଏଲ ର କାର୍ଯ୍ୟରତ ପ୍ରଭା କଣ୍ଟିନିଓସ୍ ୟୁଟିଲିଟିର ସେଫ୍ଟି ଅଫିସର ଶ୍ରୀଯୁକ୍ତ ଉଜ୍ଜୋଳ ଗୋଲଦାର ଉପସ୍ଥିତ ଥିଲେ । ଧୋୟା ଅଂଚଳରେ ଦୀର୍ଘ ୧୬ ବର୍ଷ ହେବ ଗଢି ଉଠିଥିବା ଏହି ଅନୁଷ୍ଠାନକୁ ନିଜର ଆନ୍ତରିକ କୃତଜ୍ଞତା ଜ୍ଞାପନ କରିବା ସହିତ ଉପସ୍ଥିତ ଜନତା ତଥା ବିଦ୍ୟାର୍ଥୀ ମାନଙ୍କୁ ହିତୋପଦେଶ ପ୍ରଦାନ କରିଥିଲେ । ସଭାପତି ଇଂ.ସୁକାନ୍ତ କୁମାର ସାହୁ,ସଂପାଦକ ଆଲୋକ କୁମାର ସାହୁ,ପ୍ରଧାନ ଗୁରୁଜୀ ଅଭିରାମ ସେଣ୍ଢ ସଭାରେ ଉପସ୍ଥିତ ଥିଲେ । ପ୍ରତିଷ୍ଠାତା ସଭ୍ୟ ବାମଦେବ ସାହୁ ପରିଚାଳନା କରିଥିବା ବେଳେ ବିଦୁ୍ୟତ୍ ପରିଷଦର ସୁଚିତ୍ର କୁମାର ସାହୁ, ଅବସର ପ୍ରାପ୍ତ ଶିକ୍ଷକ ଧନୁର୍ଜ୍ଜୟ ସ୍ୱାଇଁ, ବିଷ୍ଣୁ ସାର୍ ପ୍ରମୁଖ ପରିଚାଳନାରେ ସହଯୋଗ କରିଥିଲେ । ବିଭିନ୍ନ ସାମାଜିକ କାର୍ଯ୍ୟରେ ତଥା ସବୁଜ ବନାନୀ ସୃଷ୍ଟି କରିବାରେ ନିଜର ଦକ୍ଷତା ପ୍ରତିପାଦିତ କରିଥିବା ଜ୍ଞାନଚାନ୍ଦ ଆଚାର୍ଯ୍ୟଙ୍କୁ ବିଶ୍ୱ ମିତ୍ର, ନଳିନି କାନ୍ତ ମହାପାତ୍ରଙ୍କୁ ଜ୍ଞାନ ସାରଥି ଏବଂ ପ୍ରବନ୍ଧକ ଦେବାଶିଷ ଖଟୁଆଙ୍କୁ ବିଦ୍ୟା ସାଥି ଭାବେ ସମ୍ବର୍ଦ୍ଧିତ କରାଯାଇଥିଲା । ଶେଷରେ କୁନି କୁନି ବିଦ୍ୟାର୍ଥୀଙ୍କ ଦ୍ୱାରା ରଙ୍ଗାରଙ୍ଗ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।