୧୭ତମ ଜାତୀୟ ନାଟକ ମହୋତ୍ସବ: କ୍ୟାନଫେଷ୍ଟ-୨୦୨୦ ଉଦଯାପିତ

ପାରାଦ୍ୱୀପ, (ଆଇଏନ୍ଏସ୍): ପାରାଦ୍ୱୀପ ସାଗରିକା କଳା ନିକେତନ ମୁକ୍ତ ମଞ୍ଚରେ ୩ଦିନ ଧରି ·ଲିଥିବା ୧୭ତମ ଜାତୀୟ ନାଟକ ମହୋତ୍ସବ କ୍ୟାନଫେଷ୍ଟ-୨୦୨୦ ମଙ୍ଗଳବାର ସଂନ୍ଧ୍ୟାରେ ଉଦଯାପିତ ହୋଇ ଯାଇଛି । ଏହି ଉଦଯାପନୀ ଅବସରରେ ପାରାଦ୍ୱୀପ ବନ୍ଦରର ମୁଖ୍ୟ ଅର୍ଥ ପରାମର୍ଶଦାତା ଧର୍ମେନ୍ଦ୍ର ନାଥ ସୋନ୍ଧୀ ମୁଖ୍ୟ ଅତିଥି ଭାବେ ଯୋଗଦେଇ କ୍ୟାନମାସର ଏଭଳି କାର୍ଯ୍ୟ ପାଇଁ ଏବଂ ନାଟକର ସମସ୍ତ କଳାକାର ମାନଙ୍କୁ ଭୂୟସୀ ପ୍ରଶଂସା କରିଥିଲେ । ଏହି ଅବସରରେ ବରିଷ୍ଠ ସାମ୍ବାଦିକ ଶୁକଦେବ ଜେନାଙ୍କୁ ସମ୍ମାନୀତ କରାଯାଇଥିଲା । କରୋନା କଟକଣା ଯୋଗୁଁ ଏହି ମହୋସôବ ସୀମିତ ଦର୍ଶକ ମଧ୍ୟରେ ଅନୁଷ୍ଠିତ ହୋଇଥିବା ବେଳେ ୟୁଟୁବ୍ ଓ ସୋସିଆଲ ମିଡିଆରେ ପ୍ରତ୍ୟକ୍ଷ ପ୍ରସାରଣ କରାଯାଇଥିଲା । ଯାହା ଫଳରେ ଅନେକ ନାଟ୍ୟପ୍ରେମୀ ଏହି ନାଟକ ମହୋତ୍ସବକୁ ଉପଭୋଗ କରିପାରିଥିଲେ । ପ୍ରଥମ ଦିବସରେ ପାରାଦ୍ୱୀପ କ୍ୟାନମାସ୍ ପକ୍ଷରୁ ଓଡିଆ ନାଟକ ‘ସ୍ୱୟମ୍ବର’ ପ୍ରଦର୍ଶିତ ହୋଇଥିବା ବେଳେ ଦ୍ୱିତୀୟ ଦିନରେ କଲିକତାର ପୂର୍ବ ରଙ୍ଗ ଷ୍ଟେପ ଆଣ୍ଡ ଷ୍ଟେଜ୍ ଗୃ୍ରପ୍ ପକ୍ଷରୁ ବଙ୍ଗଳାଭାଷୀ ନାଟକ ‘ସିତାୟନ’ ପ୍ରଦର୍ଶିତ ହୋଇଥିଲା । ମଙ୍ଗଳବାର ତୃତୀୟ ତଥା ଅନ୍ତିମ ସଂନ୍ଧ୍ୟାରେ ଭୋପାଳର ଏକରଙ୍ଗ କଲରୋଲ୍ ସୋସାଇଟି ଅନୁଷ୍ଠାନର କଳାକାର ମାନଙ୍କ ପକ୍ଷରୁ ହିନ୍ଦି ନାଟକ ‘ମଧ୍ୟାନ୍ତର’ ମଞ୍ଚସ୍ଥ ହୋଇଥିଲା । ଏହି କାର୍ଯ୍ୟକ୍ରମକୁ କ୍ୟାନମାସ ସଂସ୍ଥାର ସଭାପତି କ୍ୟାପ୍ଟେନ୍ ଅତୁଲ୍ୟ ମହାପାତ୍ରଙ୍କ ତତ୍ତ୍ୱାବଧାନରେ ସଂପାଦକ ଶ୍ରୀମନ୍ ନାରାୟଣ ମିଶ୍ର ପରି·ଳନା କରିଥିବା ବେଳେ ସମସ୍ତ ସଦସ୍ୟ ସଦସ୍ୟା ଏଥିରେ ସହଯୋଗ କରିଥିଲେ ।